Xoves 23/04/20

Bo día amigos e amigas!! Espero que todos e todas sigades ben.

Vistes o vídeo que fixemos para o Día do Libro? Podemos facer un da nosa clase tamén. Para isto estaría guai que me mandarades fotos de vós na ventá cos vosos libros favoritos, e logo eu monto todo. Como está facendo aquí Mabel:

Hoxe comezamos con Ciencias Naturais. Tócanos agora coñecer que é o son e cales son os seus efectos, na páxina 93. Creo que podedes ver estes vídeos para comprendelo:

https://www.youtube.com/watch?v=SCiHXsTYWC4

https://www.youtube.com/watch?v=W7Z5S3wPKEQ

Probade a sentir a vibración que produce o son con estes exemplos:

- Falade mentres tocades a vosa gorxa.

- Poñede música en alto e tocade o altavoz.

Tanto a gorxa como o altavoz vibran, verdade? Iso é porque se está producindo o son.

Agora que xa o sabedes, na vosa libreta contestade o seguinte:

1. Explica coas túas palabras como se produce o son.

2. Resume cales son os efectos que ten o son.

Seguimos con Lengua Castellana: recordar qué palabras se escriben con g y qué palabras se escriben con j leyendo el recuadro de la página 146. Después podéis hacer los ejercicios 1, 2 y 3.

De Ciencias Sociais, copiade na vosa libreta o resumo do tema 5 que vos puxen na entrada do martes para despois telo aí para estudiar.

Descansamos un pouco e imos con Inglés: https://www.anglomaniacy.pl/springFlowersQuiz.htm

Saltamos hoxe mate para que non se nos faga moito, e rematamos o día coa tarefa divertida de hoxe. A ver quen consigue resolver a seguinte adiviña:

Tengo cabeza redonda, sin nariz,ni ojos, ni frente, mi cuerpo se compone sólo de blancos dientes.

Apetécevos facer videochamada mañá? Para charlar un rato e vernos un pouco, e igual podemos xogar a algo. Xa me dicides. Temos unha nova ferramenta para facelas que nos ofreceu a Xunta, podemos probala. Mandaríavos o enlace e teriades que descargar unha aplicación para poder acceder.

Unha aperta moi grande!