Día 1 de cole dende a casa

Ola queridas alumnas e alumnos! Pensabades que vos iades librar de min, eh, pero non, non vai ser tan fácil…

Como estades? Eu, a verdade, estou preocupada, todo isto é tan novo que asusta un pouco. Pero tamén me sinto esperanzada e positiva, segura de que o esforzo que estamos facendo quedando na casa axudará a que todo isto pase pronto. Estou moi orgullosa de que todos e todas esteamos sendo responsables e segura de que estamos previndo que isto se siga estendendo.

Bueno, cóntovos un pouco como nos imos organizar estes días: eu subirei unha entrada diaria ao blog contándovos un pouco que cousas podedes ir facendo. Farame moita ilusión saber de vós: deixade algún comentario e contádeme, porfi. Tamén podemos facer videoconferencias para resolver calqueira dúbida ou simplemente falar un pouco e contarnos como estamos levando isto. Podemos darnos ideas para matar o aburrimento!

Todas as actividades que vaia subindo serán de repaso, non imos adiantar materia e en ningún caso estas actividades serán avaliables (non contan para a nota). Así que non vos preocupes: ata onde poidades chegar será máis que suficiente. Sei que algúns de vós non tedes ordenador ou wifi na casa, así que non quero que isto supoña un agobio engadido ao que xa temos. Só hai unha tarefa obrigatoria: coidarse e aproveitar para pasar tempo coa familia.

Non vos agobiedes con que é o que vai a pasar: non ides suspender, non ides ter problemas no insti por isto… todos os profes nos imos adaptar e imos axudarvos a que nada de isto ocorra. Pero si que é certo que, dentro do que poidades, está ben que non descoidedes de todo as cousas do cole: imos esforzarnos moito para que, polo menos, as cousas que xa vimos ao longo do curso as saibades estupendamente. Por isto, cada día subirei unha idea do que podedes facer.

O primeiro… como organizarvos? É importante que para o voso estado de saúde manteñades unha rutina: non vai ser bo para vós estar todo o día co Fortnite, Instagram ou Netflix. O ideal é o seguinte: adicade as mañás a estudar un pouco e facer as tarefas que eu vos vou poñendo por aquí. Comede en familia, descansade un rato (aí pode incluirse ler, ver a tele, usar as tecnoloxías…), facede algunha actividade en familia, algo de exercicio na casa, e a descansar outra vez para o día seguinte.

Hoxe luns, tiñamos, entre outras, lingua galega e lingua castelá. Pois aí vai a primeira tarefa, que durará todos estes días: debedes comezar un diario sobre os días de encerrona. Podedes facelo na libreta de rexistros de lectura, ou na de lingua galega ou lingua castelá. Tedes que escribir cada día, como mínimo, cinco liñas. Contade como vos estades sentindo, que é o que facedes, que vos parece o mellor e o peor disto… Pensade no seguinte: estamos vivindo un momento sen precedentes, imos formar parte da historia mundial e todo isto se estudará nos libros durante moitos anos! Algún día estes diarios poden valer millóns :D de seguro os vosos futuros fillos e fillas vos van facer moitas preguntas sobre isto. Ide alternando: un día escribides en galego e outro en castelá. Eu fareino tamén! Ao volver podemos compartilo, será divertido. E outra tarefa para as linguas, a vosa favorita: corrixide todos os erros que cometín nesta entrada do blog (aínda que seguro que xa o estabades facendo sen que eu volo pedira…). Pero ollo, non vos pasedes de listillas e listillos, lembrade que hai algunhas palabras que se escriben dunha forma en galego e doutra en castelá.

Tamén tiñamos mate. Ides repasar o tema 6 (non pensedes que librastes do exame, á volta, despois de repasalo un pouco en clase, farémolo!). Tócannos problemas (seguro que ninguén se está queixando agora mesmo, verdade? :D) . Copiade na libreta o seguinte e resolvédeo:

1.       Manuel fue a la librería con 20 euros. Si gastó 1/5 en un cuadero y 3/5 en un libro, ¿cuánto pagó por cada cosa?

2.       De los 48 turistas que van en un autobús, 3/8 son rusos, y el resto, chinos. ¿cuántos rusos y chinos van en el autobús?

3.       Un ciclista está participando en una carrera de 120 km. Si ya ha recorrido 5/6 del trayecto, ¿cuántos kilómetros le faltan?

4.       Ainhoa tenía ahorrados 78 euros, pero se ha gastado las dos terceras partes en unas zapatillas. ¿le queda suficiente dinero para comprar la camiseta? La camiseta vale 24 euros.

5.       Una botella de un litro de naranjada se reparte en cinco vasos. ¿Qué cantidad se corresponde a cada vaso?

6.       Ana ha hecho ocho lazos con una cinta que medía 30 metros. Expresa con un número decimal y con una fracción la longitud de cada lazo.

7.       Magdalena y Laura tienen la misma cantidad de dinero. Magdalena gastó 5/8, y Laura, 3/5. ¿Quién ha gastado más dinero?

8.       De un depósito de agua se han utilizado para regar 2/5 el lunes y  2/6 el martes. ¿Qué día se utilizó mayor cantidad de agua?

“Hai que copiar os enunciados?” SIIIIIIIIIIIIIIIIIIIIIIIIIIIIIIIIIIIIIIIII

Antes de comezar a pensar que non os entendedes, revisade a información do libro e pedide axuda a irmáns e pais!

Tamén tiñades inglés, coméntame Nati que investiguedes sobre San Patricio, que se celebra o 17 de marzo. Quen foi? Por que se lle adica ese día? Onde se celebra? Facede un breve traballo e un debuxo que o acompañe, se vos animades en inglés, estupendo, se non pode ser en castelá ou galego, en cartulina, papel ou co mateiral do que dispoñades. Non ten que ser todo hoxe, é durante toda a semana! Este vídeo pode axudarvos: https://youtu.be/gBhG-7pj43E

Aparte das asignaturas que teñamos, cada día mandareivos unha “tarefa” algo máis divertida. A de hoxe é convertevos en Master Chef: buscade unha receita chula, rica e sinxela en Internet e ensinade a facela á vosa familia. Encantaríame ver fotos e vídeos!

Lembrade o meu correo para TODO o que necesites: andreamartinezquiroga@edu.xunta.es

Podedes mandarme toooodo o que queirades: dúbidas, fotos, vídeos, ou simplemente para falar un rato. Se precisades calqueira explicación, dicídemo e dígovos como podemos facer para vernos por videoconferencia.

"Andrea, porfi, ¿podemos hacer algo divertido?" SIIIIIIII, teño pensadas moitas ideas chulas e divertidas para poñervos estes días, xa veredes. Imos pasalo ben!

Moito ánimo, chicas e chicos. Pronto nos vemos!